Најголемиот трговец на мало во Велика Британија, „Tesco“ забележа раст од 0,7% на основната продажба околу Божиќ на внатрешниот пазар, со што ја потврди прогнозата за целата година, коментира „Ројтерс“.
„Tesco“, кој слично на конкурентите се бори со турбуленциите предизвикани од подемот на поевтините германски синџирии „Aldi“ и „Lidl“, изјави дека одржливиот напредок во групата дозволил да ја потврди прогнозата за целата фискална година.
Групата очекува да се постигне заеднички оперативен профит пред еднократните ефекти од најмалку 1,2 милијарди фунти (1,5 милијарди долари) за годината – првиот раст на профитот по петгодишен пад.
Резултатите кои се рефлектираат на стабилното претставување на конкурентите „Sainsbury’s“ и „Morrisons“, ставија крај на година во која „Tesco“ почна да се опоравува од загубите од продажбата, профитот и уделот на пазарот предизвикана од зголемената популарност на ултраевтините синџири.
Благодарение на ремонтираните продавници, новите гами на производи и повеќе вработени, корисниците се враќаат кон групата што помогна на нејзините акции да поскапат со над една третина во последната година.
„Силно охрабрени сме од одржливиот силен напредок што постигнуваме во групата. Добро позиционирани сме спрема среднорочните цели кои се исцртани во октомври 2016-та година“, рече главниот извршен директор Дејв Луис.
Во шесте недели до 7-ми јануари „Tesco“ забележува раст на основната продажба во британските продавници од 0,7%, што е во согласност со прогнозите за раст од 0,3% до 1,5%.
Трговијата околу Божиќ го продолжува растот на продажбата во британските развиени продавници од 1,8% за 13-те недели до 26-ти ноември, третото фискално тримесечје на „Tesco“.