Минатата година кинеските инвестиции во зелена енергија во странство пораснаа за 60 отсто, односно на рекордни 32 милијарди долари.
Со овој потег оваа земја стана лидер на светскиот пазар на чиста енергија, соопштија од институтот за енергетика, економија и финансиски анализи (IEEFA) од Охајо.
До 2020 година Кина најави дека ќе инвестира најмалку 361 милијарди долари во обновливи извори на енергија со цел пазарот за енергија во светот да се откаже од употребата од јаглен и да се префрли на чисти горива.
Оваа инвестицијата ќе креира повеќе од 13 милиони работни места во секторот. Благодарение на новите капацитети за енергија од ветар, хидроенергија, соларна и нуклеарна енергија до 2020 година ќе се дуплира производството нa струја.