Компанијата Samsung планира престојниот модел Galaxy S8 да го продаде во 60 милиони примероци, нешто што компанијата не го остварила уште од ерата на Galaxy S3 и S4.
Продажбата на паметни телефони за Samsung некогаш беше многу посилен извор на приходи одколку минатата година. Нивните Galaxy S5, S6 и S7 не успеаа да постигнат резултати, какви што некогаш имаа Galaxy S3 и Galaxy S4.
За оваа година, тимот од Samsung наводно си поставил цел од 60 милиони примероци, што е доста смел план со оглед на тоа дека одличниот Galaxy S7 според некои проценки е продаден во околу 47 милиони примероци.
Од друга страна доаѓаат и информации дека S8 би можел да биде опремен дури со 8 GB RAM. Всушност, главниот конкурент на Samsung во производството на мемориски чипови, SK Hynix го представи новиот 8 GB LPDDR4X модул мобилен RAM, која наводно би можел да заврши во S8 на Samsung.
Станува збор за чип кој зазаема 30 отсто помалку простор, а работи за 20 отсто поефикасно од актуелниот LPDDR4 чип.