Алармантни гласини за еден од членовите на семејството Бекам се појавија во Обединетото Кралство.
Според таблоидите дизајнерската марка на поранешната пејачка од групата „Spice Girls“, Викторија Бекам работи со загуба.
И не само тоа – гласините гласат дека таа е во долгови од над 4,6 милиони фунти, или над 6 милиони долари.
Викторија Бекам имаше и други проблеми во 2016-та година, откако стана јасно дека е можно нејзиниот бизнис да биде затворен поради неподнесување на даночни пријави.
Марката на партнерот на еден од најуспешните фудбалери во светот – Дејвид Бекам, беше формирана во 2008-ма година.
Од тогаш таа забележа серија на успеси, откако Викторија доби неколку награди, вклучувајќи и титулата Претприемач на годината во Велика Британија во 2014-та година.
Во 2015-та година модната куќа на Бекам имаше над 45 милиони долари профит. Меѓутоа во последно време се збори дека „Пош Спајс“, добива финансиски инјекции од нејзиниот сопруг, кој е една од најпознатите личности кои се откажале од својата професија, но се уште добро заработуваат.
