Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 7,706.20 0.1%    BESK 9,518.00 -4.73%    FERS 56,000.00 0%    GRNT 830.00 0%    KMB 3,080.91 -1.75%    MPT 28,853.20 -0.19%    PPIV 37,500.00 0%    RMDEN13 96.00 0%    RMDEN16 94.50 0%    STBP 600.00 0%    STIL 150.08 -2.55%    TEL 284.66 0.59%    TTK 972.40 2.36%    UNI 1,999.20 -0.04%    VITA 7,562.00 7.08%    

Екстремен студ – како да заштедите на греење?

Време: 14:41

Датум: јануари 10, 2017

Категорија: ЕКОНОМИЈА

termometar

Температурите се спуштаат и под 20 степени под нулата, а најавите се дека екстремниот студ ќе продолжи и во наредните две недели. Сите грејни тела се пуштаат на максимум, но експертите по енергетика велат дека и во вакви услови има начини како да се заштеди.

Со едноставни методи до потопол дом и поголема заштеда

Основите совети кои можат да се применат и при екстремен студ се: ако се користат радијатори да се постави алуминиумска фолија меѓу нив и ѕидот за да се рефлектира топлината; навечер собите да бидат затворени, како и вратите од ходниците, плакарите и помошните простории кои не се греат; електричните греалки да се вклучуваат директно во штекер, а не на продолжен кабел; да се избегнува проветрување, а ако е неопходно тоа да се прави во текот на денот кога е најтопло;  да се постелат теписи, по можност со подолги реси, врз дрвените подови и плочките, тие ќе ја стопираат апсорпција на топлината; вратата од бањата да се остави отворена по туширањето или капењето, така топлиот воздух и пареата ќе се прошират, а истовремено ќе се навлажни и воздухот во домот; рерната да се остава отворена откако ќе се заврши со готвење, топлиот воздух ќе се прошири; на надворешните врати да се постави изолација до праговите, доволно е да се постели свиткана черга или ќебе кои би го спречиле продирањето на ладниот воздух; доколку во домот има плафонски вентилатор нека биде повремено вклучен, тој го турка топлиот воздух надолу а го качува студениот нагоре.

Овие совети можеби звучат смешно, но експертите за енергетска ефикасност велат дека дефинитивно придонесуваат за потопол дом, но и за помали сметки.

Енергетската ефикасност е долгорочно исплатлива

Сепак, за вистинска заштеда потребни се инвестиции во самата куќа или стан – подобра изолација, подобри прозорци. За ова е веќе предоцна оваа зима, но треба да се земе предвид за наредната сезона.

„Ставање на топлинска изолација и прозорци е мерка која бара најголемо вложување, но е и најисплатлива. Не се исплатува за една или две години, потребни се седум или осум, во зависност од тоа каков бил објектот. Сметката во крајна линија најмногу зависи од топлотната изолација. Оние што имаат солидно изградени објекти во секој случај штедат, во вакви временски услови дури и нема потреба од вклучување на системите за греење преку ден, само рано наутро и доцна навечер“ објаснува проф. д-р Ристо Цицонков, Машински факултет.

Македонците загреваат само половина од домот

Најлесен начин за штедење – загревајте само една соба. Ова, за жал го практикуваат најголем дел од Македонците. Во просек се топли само 45% од површината на домот, а останатите 55% остануваат студени, покажуваат анализите на Државниот завод за статистика (ДЗС).

Според овие податоци 61.59% од домаќинствата користат огревно дрво, 28.60% електрична енергија, 8.33% се приклучени на централно парно, а останатите 1.48% употребуваат нафта, јаглен или гас.

Оние кои користат струја, најчесто имаат енергетски неефикасни грејни тела – една третина обични греалки, една третина термо печки, 15% панелки и 15% клима уреди. Само еден од пет климатизери е со инвертор.

Изолацијата како најефикасен начин за заштеда на енергија е застапена во само 18% од домовите – најдобро стои скопскиот регион со 29%, а најлошо пелагонискиот со нешто под 7%.

68% од куќите и становите имаат дрвени прозорци, 29% ПВЦ, а нешто над 3% алуминиумски.

К. Н.

КОМЕНТАРИ

НАЈНОВО ОД КАТЕГОРИЈАТА

  • Дел од Ѓорче Петров утре без струја

    Дел од Ѓорче Петров утре без струја

    Заради закажани технички зафати во дистрибутивната електро мрежа, утре од 08:30 до 14:30 часот, без електрична енергија ќе останат корисниците од дел од ул. Арсениј…

  • УСАИД веќе 25 години се посветува за почитување на човековите права во Македонија

    УСАИД веќе 25 години се посветува за почитување на човековите права во Македонија

    Од својот почеток во 1993 УСАИД го поддржува владеењето на правото во Македонија. Првичната поддршка беше насочена кон градење капацитети на професионалните здруженија на правници…

  • За денес планирано ново задолжување од 24 милиони евра за враќање на стари долгови

    За денес планирано ново задолжување од 24 милиони евра за враќање на стари долгови

    Министерството за финансии денеска планира да се задолжи за приближно 24 милиони евра на домашниот пазар. Станува збор за 15-годишна обврзница и едногодишни државни записи.…

  • ММФ ги зголеми глобалните прогнози за растот

    ММФ ги зголеми глобалните прогнози за растот

    Меѓународниот монетарен фонд ја зголеми својата проценка за растот на светската економија поради краткорочните поттици од новата даночна политика на Вашингтон. Во новиот извештај за…

  • Coinbase со приходи од една милијарда долари за 2017-та година

    Coinbase со приходи од една милијарда долари за 2017-та година

    Една од најголемите берзи за трговија со криптовалути „Coinbase“ се очекува да објави приходи од милијарда долари, според „Business Insider“. Ова се должи на зголемената…

  • Еврозоната ги поздрави мерките – милијарди за Грција

    Еврозоната ги поздрави мерките – милијарди за Грција

    Еврозоната даде согласност да се исплатат 6,7 милијарди евра помош за Грција откако утврди дека властите во Атина ги спровеле повеќето реформи кои биле побарани.…

  • Џеф Безос со рекордно богатство

    Џеф Безос со рекордно богатство

    Во ноември, Џеф Безос стана вториот човек во историјата со богатство од над 100 милијарди долари. Првиот што го постигна ова беше Бил Гејтс во…

  • Променливо облачно и студено време

    Променливо облачно и студено време

    Денеска во утринските часови ќе преовладува сончево и студено време, а преку денот ќе има зголемување на облачноста и ќе преовладува променливо облачно време со…

  • Започнува Светскиот економски форум во Давос

    Започнува Светскиот економски форум во Давос

    Светскиот економски форум во Давос (Швајцарија), кој почнува денеска, а ќе трае до 26 јануари, и оваа година ќе ги собере на едно место светските…

  • Усвоени повеќе програми од социјалната политика

    Усвоени повеќе програми од социјалната политика

    Владата на Република Македонија на вчерашната седница по предлог на Министерство за правда ја разгледа и ја усвои информацијата за програма за обесштетување дете што…