Укинувањето на постоечкиот закон за здравствена заштита наречен Обамакеар, е најважен приоритет на идниот претседател Доналд Трамп, кој ќе спроведе транзиција според „пазарно ориентираниот “ систем на здравствено осигурување, рече избраниот потпретседател Мајк Пенс.
Демократските лидери се состанаа со претседателот Барак Обама во капитол Хил и разговараа за начините на кои може да го заштитат законот за здравство и ги обвинија републиканците дека сакаат потполно да го уништат американскиот здравствен систем и дека немаат во план нов со кој ќе го заменат.
Трамп и неговите републиканци сега ги контролираат двата дома на Конгресот и се закануваат дека ќе предизвикаат хаос на пазарот на здравството ако го укинат Законот за здравствено осигурување, наречен Обамакеар, за кој Трамп вели дека „не функционира, а не е ни достапен“, додека Белата куќа истакнува дека со него здравственото осигурување е проширено на 20 милиони Американци кои го немале.
