Во ноември се појавија информации дека „Samsung Galaxy A5“ (2017) ќе биде претставен во четири бои – црна, златна, розева и сина. Сега се појавија прес рендери од телефонот во споменатите бои. Покрај изгледот, беа откриени и спецификациите на уредот.
Според изворот, „Samsung Galaxy A5“ (2017) ќе имаат 5.2-инчен екран со 1920 x 1080p резолуција. Процесорот ќе биде „Exynos 7880 SoC“ со осум јадра 1.8GHz CPU и Mali-T860 MP4 GPU. Присустни се 3GB RAM и 32GB внатрешна меморија. Камерата на задната и предната страна се од по 16MP, додека за напојувањето е задолжена батерија од 3000mAh. За софтверската поддршка е задолжен оперативниот систем „Android 6.0“.
„Samsung Galaxy A5“ (2017) ќе има дебелина од 7,8mm и ќе има „Type-C USB“ порт. Можно е во „home“ копчето да биде вграден сензор за отпечаток на прстот, а телефонот би можел да има и „IP68“ сертификат.
Се очекува „Samsung Galaxy A5“ (2017) да биде претставен веќе следниот месец за време на саемот „CES 2017“, заедно со моделите „Samsung Galaxy A3“ (2017) и „Samsung Galaxy A7“ (2017).
