Претседателот на Република Македонија, Ѓорге Иванов, денес, ќе го додели признанието „Орден за заслуги за Македонија“ на Факултетот за музичка уметност при Универзитетот „Св. Кирил и Методиј“ – Скопје.
Факултетот за музичка уметност – Скопје се одликува со „Орден за заслуги за Македонија“ по повод 50 години од основањето, а особено за постигнатите резултати во својата образовна, уметничка и научна дејност.
Овој факултет со својата дејност даде исклучителен придонес во збогатувањето и промовирањето на македонската музичка култура и афирмација на Република Македонија во светот.