Глобалните економски движења поврзани се со неизвесности по изборите во САД и Бегзит, но краткорочно гледано германската економија нема да почувствува големи последици, соопшти денес германскoто Министерство за економија.
„Глобалната економска клима e карактеризирана со неизвесност по Брегзит и резултатите на изборите во САД. Меѓутоа, не се очекува негативно влијание краткорочно, од денешка точка на гледиштето, соопшти Министерството.
Во извештајот се наведува дека се очекува умерен раст на германската економија во третиот квартал.
Реториката на протекционизам на новоизбраниот американски претседател Доналд Трамп и неговата изненадувачка победа на изборите во САД ги шокираше германските политичари и бизнисмени.
САД се најголемиот извозен пазар за Германија со околу 10 проценти прекумерен извоз.
Германските компании минатата година и продадоа на Америка стока во вредност од 114 милијарди евра – повеќето автомобили, машини и хемиски производи.
Германскиот институт IFO соопшти дека повеќе од милион работни места се поврзани со овој извоз, што би можело да се намали доколку Трамп ја реализира својата протекционистичка реторика.