Доналд Трамп беше дел од едни од најнеизвесните избори во САД во политичката историја, победувајќи ја Хилари Клинтон во претседателските избори во САД, остварувајќи успех, a притоа користејќи прилично помалку пари од конкурентката, информира „Ројтерс“.
Потпирајќи се исклучително многу нетрадиционалното комбинирање на социјалните медиуми, непримерната реторика и вештината да заработува бесплатно телевизиско време, њујоршкиот бизнисмен платил најверојатно под 5 долари на глас во походот кон Белата куќа или околу половина од она што Клинтон го потроши. Тоа покажува анализата на финансиите за кампањите на двајцата кандидати, направена од „Ројтерс“.
Според податоците Клинтон и Трамп ги потрошиле сите средства кои ги собрале.
Ефективната, од гледна точка на трошоци, победата на Трамп ги промени мислењата кои преовладуваат за влијанието на парите во американската политика и го покрена прашањето дали повеќе скромната и вешто ракуваната со медиумите кампања може да стане новиот модел за победа на избори во САД.
Учењето на политичките стратегии и политичката наука имаат тенденција да се согласат, но ќе биде тешко да се повтори презентацијата на Трамп, бидејќи тој има предности кои многу други кандидати ги немаат – популарно име, имиџ на телевизиска ѕвезда, способност постојано да е опкружен со контроверзии.
Вкупно Трамп собра најмалку 270 милиони долари од почетокот на кампањата во јуни 2015-та година, малку над една третина од парите потрошени при кампањата за реизбор на Обама во 2012-та година, според најновите податоци во Федералната изборна комисија. Клинтон собрала најмалку 521 милиони долари.
