Силно невреме со торнадо и силен ветер вчеравечер го зафати Рим и околината.
Според извештаите, во местото Ладисполи 30 км од Рим невремето однесе една човечка жртва и десетина се повредени.
По силните земјотреси, жителите на Италија повторно се во паника од временските непогоди.
Градот Рим се соочува со огромни материјални штети. Колосоеумот целиот е под вода, уништени се продавници и јавното осветлување, урнати се стебла од дрвја. Падната е и платформа од железничка станица заради што е блокирана пругата и целиот сообраќај. Пожарникарите имале неколку стотици интервенции, пренесуваат медиумите.
