Романскиот парламент го усвои вчера законот со кој се укинуваат повеќе од 100 помали даноци, што на годишно ниво буџетот ќе го чини 1,6 милијарди леи (387,4 милиони долари), јавува агенцијата Ројтерс.
Со најновиот закон се укинува мноштвото мали даноци, како што е таксата за регистрација на стопански субјекти, надоместокот за издавање на привремен пасош, еколошката такса за регистрација на возила и низа други даноци.
Законот, како што наведува Ројтерс, е усвоен без проценка на неговите ефекти, а законодавците не прецизираа како ќе ја финансираат споменатата мерка.
Европската комисија и Меѓународниот монетарен фонд во повеќе наврати предупредија дека буџетскиот дефицит на Романија наредната година ќе го надмине лимитот на ЕУ од 3,0 проценти од БДП.
