Македонската банка за поддршка и развој ќе обезбедува евтини кредити за малите и микро земјоделски производители.
Каматната стапка ќе изнесува 3 отсто, што претставува најевтина стапка во Македонија и регионот.
Максималниот износ што може да се подигне ќе изнесува 300 илјади евра.
Доколку кредитите бидат со отплата до 18 месеци, грејс периодот ќе биде шест месеци, а доколку земјоделците се одлучат со рок на отплата од пет години, грејс периодот за отплата ќе изнесува една година.
На располагање ќе има 7.5 милиони евра, кои се одобрени на барање на стопанските комори со цел за поголем напредок во земјоделието.
