Акциите на „Deutsche Bank“ поевтинија со речиси 8% во раната трговија во Европа, откако вчера завршија сесијата во САД со пад од 6,67%. Претходно во текот на денот во четвртокот акциите на „Wall Street“ паднаа за 9,02% до рекордно дно од 11,10 долари.
Најголемата германска банка неодамна призна дека има проблем со својот имиџ кај инвеститорите, со оглед на новите стравувања за нејзината стабилност, потсетуваат агенциите.
Вчера „Bloomberg“ соопшти дека десетина хеџ фондови кои вршат расчистување на трговија со деривати, преземале дел од слободните парични средства и ги прилагодиле на позицијата – сигнал дека договорните се претпазливи да прават бизнис со банката.
Голем хеџ фонд од Азија ја повлекол гаранцијата во „Deutsche Bank“ во висина од 50 милиони долари во последните два дена. Друг фонд, но со помала сума во банката, внимателно ја следи ситуацијата и се уште ги има повлечено средствата, велат запознаени извори за Ројтерс.
Друг извор со информации за ситуацијата вели дека е вообичаено да има флуктуации во билансот меѓу клиентите хеџ фондови, а активностите претставуваат само мал дел од над 800-те клиенти во бизнисот со хеџ фондови.
Во изјавата од денес „Deutsche Bank“ уверува дека нејзините бизнис корисници во голема мера продолжуваат да ја поддржуваат.
„Убедени сме дека голем дел од нив целосно ја разбираат нашата стабилна финансиска позиција, тековната макроекономска средина, процесот на судските спорови во САД и напредокот кој го постигнуваме во нашата стратегија“, вели доверителот.
Друг извор од азиски хеџ фонд вели дека искусните инвеститори требало да ги повлечат слободните парични средства или би прилагодени на позицијата во „Deutsche Bank“, ако имаа проблеми. Прогнозата е дека нема да има голем бран од слични преземања.
„Не сме слушнале никакви гласини дека некој ќе престане да тргува со оваа банка во меѓубанкарската трговија. Само некои хеџ фондови (го направиле)“, вели трејдер во јапонска банка.
„Генерално имаме гаранции за повеќето договори кои им се гледани секој ден. Затоа ситуацијата е малку поинаква отколку пред кризата со „Lehman Brothers“. Пак и големината на казната се уште не е јасена“, дополнува трејдерот.
Фабрицио Камел, шеф на бизнисот за управување на благосостојбата во „Deutsche Bank“, коментира дека банката се стреми да вдахне доверба меѓу корисниците и не се забележува видлив одлив на средства.
„Се разбира, некои од нашите клиенти прашуваат што се случува со „Deutsche Bank“ во моментов. Велиме дека се справуваме подобро отколку можеби изгледа отстрана“, вели тој за германскиот весник „Sueddeutsche Zeitung“.
Непосредна причина за кризата во „Deutsche Bank“ е чисто, оспоруваната од банка, казна во износ до 14 милијарди долари, наметната од американското Министерство за правда заради продажба на хартии од вредност обезбедени со хипотеки.
Претходно во текот на неделата германската влада негираше дека работи на план за спас „Deutsche Bank“, откако неделениот весник „Die Zeit“ напиша дека се подготвува таков. Тоа дополнително ги зголеми стравувањата за иднината на најголемиот кредитор во Германија.
