„Xiaomi“ ги претстави телефоните „Mi 5s“ и „Mi 5s Plus“ кои се одговор на компанијата на новиот „iPhone“. Станува збор за моќни уреди, но „5s Plus“ е поголем и има две задни камери.
„Xiaomi Mi 5s“ има 5,15-инчен Full HD eкран, 2,15 GHz Snapdragon 821 процесор, 3/4 GB RAM и 64/128 GB интерна меморија. Поседува и скенер за отпечаток на прстот и задна камера од 12 мегапиксели, додека предната е од 4 мегапиксели.
Цената на верзијата со 3 GB RAM и 64 GB интерна меморија е 300 долари, додека верзијата со 4 GB RAM и 128 GB интерна меморија чини 345 долари.
Што се однесува до „Xiaоmi Mi 5s Plus“, тој поседува 5,7-инчен „Full HD“ екран, 2,35 GHz Snapdragon 821 процесор 4/6 GB RAM, 64/128 GB интерна меморија и скенер за отпечаток на прстот. Тука е и двојната камера на „Sony“ од 13 мегапиксели на задната страна, многу сличен систем кој го користи „Huawei P9“. Камерата која е поставена на предната страна е од 4 мегапиксели.
Цената на верзијата со 4 GB RAM и 64 GB интерна меморија изнесува 345 долари, додека верзијата со 6 GB RAM и 128 GB интерна меморија чини 390 долари.
Куќиштата на двата уреди се направени од алуминиум, а задниот дел е заоблен. Скенерот за отпечаток на прстот е сместен под камерата.
Смартфоните се достапни во златна, сива, розева и бела боја, а продажбата ќе започне на 29-ти септември во Кина. Засега не е познато кога уредите ќе бидат достапни на останатите пазари.
