Британската мултинационална телекоминукациска компанија „Vodafone“ ќе укине 500 работни места во Германија, поради подобрувањето на пазарната позиција на компанијата.
„Со намалувањето на активностите во Германија, започнавме со реализација на нашата две-годишна програма“, наведе британскиот оператор во своето соопштение до јавноста, пренесуваат германските медиуми.
„Vodafone“ планира еден дел од неговите активности во Германија да ги пресели во Романија и Индија, но, исто така, планира и значително да ја намали основната плата на вработените, како и да ги скрати бонусите, бенифициите, слободните часови, пренесува францускиот весник Капитал.
