29 март, 2024
ПочетнаЕКОНОМИЈАПосебна стратегија за привлекување туристи за секој град

Посебна стратегија за привлекување туристи за секој град

12.12Ohrid1

Министерството за економија заедно со претставниците на туристичките агенции и сопствениците на хотелите ќе прави посебна стратегија за секој град за да привлече што е можно повеќе туристи во градовите каде засега нема голем број на туристи.

– Ова е нова иницијатива на Министерството за економија. Денеска се сретнавме со претставници на туристичките агенции и сопственици на хотели од Струшкиот регион за заедно да видиме како можеме уште повеќе да привлечиме странски туристи, изјави министерот за економија Ваљон Сарачини по средбата.

Тој посочи дека Владата активно работи за привлекување на странски туристи, а тоа, како што кажа, го покажува и последната мерка за проширување на листата на земји за добивање на субвенции.

– Освен земјите од Бенелукс ја проширивме листата и за земјите од Скандинавија. Очекуваме дека заедно со туристичките работници ќе успееме оваа година да го зголемиме бројот на туристи. Наша крајна цел согласно Стратегијата за развој на туризмот е до 2020 година учеството на туризмот во БДП да достигне до 5 проценти, рече Сарачини.

Во Статегијата за развој на туризмот во 2013 и 2014 година, како што информира, предвидени се точни мерки и активности како може да се понуди поквалитетна туристичка понуда за странските туристи.

– Има конкретни активности не само за централната, туку и за локалната власт. Има акциски план со точни рокови и се што треба да се направи во наредниот период. Се работи за развој на зимскиот, летниот, руралниот, алтернативниот и еко туризмот, појасни Сарачини.

Министерството за економија, додаде, денеска отвори канцеларија која им ќе пружа техничка помош на сите туристички агенции кои до сега имаа проблеми со пополнување на сите формулари и апликации за добивање на субвенции.

– Многу од туристичките агенции се жалеа дека не добиваат субвенции токму заради нерегуларности во делот на пополнување на формуларите и апликациите. Затоа отворањето на канцеларијата е мерка која ќе доведе до подобрување на целокупниот туристички амбиент во државата, порача Сарачини.

Аркан Керим од туристичкат агенција Генерал Турист од Струга како клучен проблем за развој на турзимот во струшкиот регион ја истакна иснфраструктурата.

– Државата треба да ги направи патиштата, особено патот од Скопје до Охрид. Ако се подобри инфрастурктурата ќе има огромен процент на зголемување на туризмот, изјави Керим.

Тој ја поздрави иницијативата на Министерството за економија и додаде дека Владата со субвенциите кои ги дава за привлекување на странски туристи го зголеми поттикот и развојот на туризмот во Македонија.

– На денешната средба се договоривме да имаме студиски план и настап во Струга како и што да направиме за да го зголемиме бројот на туристи во струшкиот регион. Максимално ќе бидеме вклучени да помогнеме со свои предлози, рече Керим.

Во моментов, како што истакна, Генерал Туристи претежно носи гости од Турција. Годинава планираат да донесат околку 10.000 туристи од Турција и од Холандија, но имаат и најава за гости од Германија.

– Генерално гледано во Охрид има повеќе сместувачки капацитети и не е можно да се споредува бројот на туристи и ноќевања во Охрид и Струга. Сепак со новите објекти што се градат во Струга во наредните години ќе се изедначи бројот на туристи во двата града, рече Керим.

Статистичките податоци покажуваат дека во февруари 2013 година во однос на истиот месец од минатата година во Македонија има зголемување на бројот на туристи за 8,7 проценти. Минатата година учеството на туризмот во БДП изнесуваше 1,4 проценти.

НАЈНОВИ ВЕСТИ

ХОРОСКОП