Од пред извесно време некои од водечките производители на смартфони се трудат да пласираат надградби за „Android“ за новите телефони секој месец. „Motorola“ сепак нема да биде меѓу нив, соопштува интернет изданието „Ars technica“.
Наместо тоа компанијата ќе користи флексибилен распоред. Таа ветува дека ќе биде во тек со ажурирања што е можно побрзо, а и кога е потребно.
„Сепак се потребни многу тестови и одобренија, за да може секоја обнова да биде пуштена. Тешко е да го правиме тоа на месечна основа за сите наши уреди. Често е ефикасно да собереме потребните ажурирања на безбедноста во поголема обнова или дури надградба на оперативниот систем“, коментираат од компанијата.
Во моментов, „Google“, „Samsung“, „LG“ и „BlackBerry“ го следат месечниот распоред. „HTC“ смета дека таа цел е нереална, како и „Motorola“. Двете компании ќе продолжат да пуштаат надградби, но што е можно побрзо според сопствените можности. Ако тие брзо комуницираат со корисниците и им даваат јасни рокови и информации кога ќе се подготвени со обновувањата и ги почитуваат, тоа не би требало да биде дури таков проблем. За жал често производителите не успеваат да ги запазат роковите, со што си го навлекуваат гневот на корисниците.
