Корејската марка „Hyundai“ официјално ги објави своите намери да претстави нов автомобил, придвижуван со водородни ќелии, за време на зимските олимписки игри во Пјонгјанг во 2018-та година.
Како што објави „Automotive News“, новиот водороден модел на „Hyundai“ повторно ќе биде кросовер, како и неговиот претходник „Hyundai Tucson Fuel Cell“. Од компанијата тврдат дека машината ќе биде нешто помеѓу спортски градски автомобил и теренец.
Разликите со неговиот претходник ќе се во големината на блокот со горивните ќелии, кој веќе ќе е покомпактен. Исто така машината ќе добие батерии со зголемен капацитет, како и помоќен електромотор.
Предвидено е новиот водороден автомобил на „Hyundai“ да може да поминува околу 800 километри со едно полнење. За споредба сегашниот „Tucson Fuel Cell“ има километража од 427 километри.
Покрај „Hyundai“ и другиот голем корејски производител – „Kia“, исто така, ги најави плановите до 2020-та година да пушти на пазарот возило кое како гориво користи водород.