Трговската седмица на Македонска берза за хартии од вредност започна со 52 реализирани трансакции, преку коишто беше остварен промет од 12.2 милиони денари.
Една блок трансакција со акциите на НАМА Куманово беше доволна за таа да се најде како првопласирана по остварен промет. Беа истргувани вкупно 2.709 акции по цена од 1.200 денари по акција.
Втора на истата листа се позиционираше акцијата на Алкалоид (503 истргувани акции, 5.097,60 денари просечна цена по акција).
Сличен промет оствари и акцијата на НЛБ Банка (2.1 милион денари преку 298 истргувани акции).
Уште две хартии од вредност остварија промет над милион денари, и тоа обврзницата од 15-та емисија РМДЕН15, како и акцијата на Комерцијална Банка.
Индексот МБИ10 го заврши денот со пораст од 0,11 проценти, додека индексот ОМБ забележа пад од 0,27 отсто.
