Шведскиот производител на мебел „Ikea“, ќе инвстира околу 100 милиони евра во изградбата на деловен центар на Азурниот брег, на периферијата на Ница, на 40.000 метри квадратни, кој освен продавници и деловни објекти ќе поседува и 200 станови, пренесуваат странските медиуми.
Првиот центар на „Ikea“ од ваков вид, во кој ќе се вработат 350 лица, ќе преставува одржлив еко-кварт, така што паркингот ќе биде сместен под земја, а на кровот ќе има вегетација.
Овој објект нема воопшто да потсетува на досегашните деловни центри на „Ikea“, кои беа изградени во ист стил, односно со плаво жолти ѕидови и паркиралишта на отворен простор.
Отварањето на еко-квартот, „made in Ikea“ е планирано за крајот на 2016 година. Компанијата проценува дека во оваа зона може да се смета на 1.2 милиони потенцијални потрошувачи, вклучувајќи ги и Италијанците. „Ikea“ е достапна на пазарот во Франција веќе 30 години и поседува 29 продавници, како и фабрика за дрвени-табли во Франш-Комте.
