Во јавноста „протекоа“ фотографии од третата генерација на моделот „C3“ пред неговата официјална премиера.
Новиот „Citroen C3“ има помалку конзервативен дизајн во претходникот, а многу стилски детали се превземени од моделот од актуелната грама на францускиот производител.
Oд кросоверот „C4 Cactus“ позајмени се страничните заштитни „airbump“ додатоци на долниот дел на вратите и детали во внатрешноста, од „Citroen C4 Picasso“ маската на ладилникот и дводелните фарови, а од малиот „C1“ интересната двобојна каросерија, која ќе биде достапна како дополнителна опција.
Задниот дел од автомобилот е инспириран од моделот „DS3“, влучувајќи го и дизајнот на фаровите. Се шпекулира дека новиот „C3“ во понудата нема да има панорамско предно стакло које продолжува на предниот дел од покривот, како што тоа беше случај кај втората генерација на овој автомобил.
Се очекува дека „Citroen C3“ ќе биде долг околу 4 метри, широк 1,75 метри, a висок 1,47 метри, додека зафатнината на багажникот ќе изнесува околу 300 литри. Повеќе детали ќе бида познати наскоро, со огледа дека „Citroen“ најави премиера за крајот на јуни.
Какви се вашите впечатоци за новата генерација на моделот „C3“ врз основа на првите фотографии од овој автомобил?