Минималната плата во Германија следната година ќе биде зголемена за четири проценти на 8,84 евра по час.
Специјалната комисија на работодавци и работници договори зголемување по час од 34 центи.
Шефот на независната комисија, Јан Зелиус, изјави дека зголемувањето е во согласност со неодамнешните договори за зголемување на платите во различните сектори, јавува агенцијата Дпа.
Минималната надокнада по час изнесува 8,5 евра од 1-ви јануари 2015 година, кога е воведена, а се менува секоја година.
Синдикатите и вработените во моќната германска металуршка индустрија договорија во мај зголемување на заработката за 4,8 проценти, што ја отвори вратата за преговори за платата и во другите клучни сектори од германската економија.
