Германскиот производител на стока за широка потрошувачка „Henkel“ ја купува американската компанија за производство на детергенти и производи за дома „Sun Products Corp.“ од „Vestar Capital Partners“ во договор вреден 3,2 милијарди евра, соопштува „Bloomberg“.
Зделката е првата за новиот извршен директор директор Ханс Ван Билен, кој ја презеде функцијата минатиот месец.
Компанијата „Sun“, која минатата година забележа приход од 1,6 милијарди долари, продава производи за машини за перење, вклучувајќи ги марките на омекнувачи „All“, „Sun“ и „Snuggle“.
Во компанијата базирана во Вилтон, Конектикат, работат околу 2 илјади лица. Таа има две производствени погони и еден истражувачки во САД, објави „Henkel“ во соопштението.
Оваа трансакција ќе и ја даде на „Henkel“ втората позиција на пазарот за детергенти во Северна Америка. 20% од продажбата на германската компанија минатата година е токму од овој регион.
Производителот на лепила и производи за коса со седиште во Дизелдорф, вклучувајќи ги шампоните „Schwarzkopf“, минатиот месец ја задржи прогнозата за целата година, според која органските продажби ќе се зголемат за помеѓу 2 и 4%, а профитот пред камати и даноци ќе се зголеми до околу 16,5%.
Банкарите од „Perella Weinberg Partners“ и „Credit Suisse“ се советници на „Henkel“ во врска со трансакцијата, а „Deutsche Bank“, „JP Morgan“ и „BNP Paribas“ учествуваат во финансирањето.
Акциите на „Henkel“ поскапеа за 1,8% во оваа година до 105,05 евра за готово. Компанијата е проценета на 42,9 милијарди евра.
