Сообраќајот на сите патишта во Македонија се одвива без забрани, по суви коловози. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата.
Во вторник поради изведување градежни работи на пат (минирање), сообраќајот на патниот правец Кичево – Охрид кај Пресека ќе биде во прекин од 14 до 16ч. во времетраење од 15 до 20 минути.
АМСМ препорачува внимателно возење, прилагодена брзина на движење и почитување на поставената сообраќајна сигнализација.
