„Subaru“ претстави спортска верзија на караванот „Levorg“ која го доби името „STI Sport“. Возилото е опремено со стандардните мотори за моделот, но е со поагресивен дизајн и променети подесувања на суспензијата.
Новата верзија се разликува од стандардниот „Levorg“ по различните браници, капак и престилки. Покрај тоа „STI Sport“ има заден дифузер, како и со специјални цевките на издувниот систем. Нови се и 18-инчните тркала, како и специјалната боја на каросеријата – „WR Blue Pearl“.
Во кабината на возилото се поставени спортски седишта, обвиткани со црна и црвена кожа, а исто така и во долниот дел на воланот. Целосно е наштимано управувањето, поставени се нови предни и задни амортизери и пружини „Bilstein“.
Караванот е опремен со систем за погон на сите четири тркала, а се нуди со избор од два бензински мотори. Првиот е 1,6-литарски и развива 170 КС и 250 Нм, а вториот е 2,0-литарски со 300 КС и 400 Нм. Двата мотора работат со вариаторна трансмисија „Lineartronic“.
Според информации кои пристигнуваат од Јапонија, веќе се познати цените на новата модификација за домашниот пазар. Основната верзија со послаб мотор стартува од 31.700 долари, додека помоќната е проценета на 36.100 долари. Засега овој автомобил нема да се нуди во Европа.