Компанијата за интернет безбедност „Hold Security“ објави дека добила од хакер база на податоци за 272 милиони интернет адреси и лозинки за профили во различни сајтови. Иако звучи лошо, всушност нападот не е толку голем, пишува „The Guardian“.
Загрозени се корисниците на Gmail, Outlook и Yahoo мејловите, но и Mail.ru, како и корисниците на германските и кинеските мејл сервиси.
Изгледа основна цел на хакерите биле руските корисници. Околу 57 милиони е-маил адреси се од најголемата електронска пошта во Русија „Мail.ru“ која има околу 100 милиони корисници месечно. Околу 40 милиони се корисници во „Yahoo Mail“, 33 милиони во „Hotmail“ и 24 милиони во „Gmail“. Стотина илјади мејл адреси се на корисници од Германија и Кина (германски и кинески мејл сервиси).
Со оглед на тоа што многу корисници за логирање на социјалните мрежи и другите јавни сервиси, вклучувајќи го и онлајн банкарството, користат иста лозинка, како и за логирањето на својот мејл, јасно е дека веднаш сите треба да ги променат своите лозинки. Без оглед на тоа дали вашиот мејл е загрозен или не, сега е вистинското време да ја промените лозинката.
