„YouTube“ објави нови кратки реклами, кои не можат да бидат пропуштени, со цел да ги принуди младите луѓе да ги гледаат.
Клиповите во времетраење од шест секундни се нарекуваат „Bumper ads“ и од „Googlе“ велат дека се воведени, бидејќи се повеќе и повеќе од корисниците гледаат видеа на нивните телефони.
Традиционалните реклами на „YouTube“ може да продолжат доста повеќе од 1 минута и затоа сајтот им дава на луѓето можност да ја исклучат рекламата по неколку секунди, на тој начин им овозможуваат на луѓето да го видат почетокот и сами да проценат дали сакаат да ја догледаат.
Новите реклами се предвидени да им овозможат на компаниите да се рекламираат пред корисниците, кои почесто ги користат од телефоните. Половина од луѓето на возраст од 18 до 49 години гледаат клипови на смартфоните, дури и кога се дома и рекламите се наменети специјално за нив, објаснуваат од „Google“.
Новите реклами на „YouTube“ успеваат да направат повеќе луѓе да ги погледнат, потоа да запомнат и да размислуваат за евентуална набавка на прикажаните производи.
Компаниите ќе можат да почнат да купуваат реклами во мај, но некои од нив веќе се појавија на „YouTube“ за тестирање.
