Јапонската компанија „Mazda“ го искористи автосаемот во Пекинг за да го претстави пред публиката кросоверот „CX-4“.
Новиот модел е изграден врз основа на „Mazda CX-5“, но е за 78 мм подолг (4633 mm) и за 130 мм понизок (1530 mm) од него. Во исто време широчината е 1840 мм, и растојанието помеѓу двете оски е 2700 мм, се идентични. Просветата кај „CX-4“ е 196 мм е за 14 мм помалку од „CX-5“.
Крос-купето ќе се нуди во прво време со два 4-цилиндрични бензински мотори од семејството „SkyActive“. Тоа се 2,0-литарски мотор со 157 КС и 2,5-литарски кој развива 191 КС. За првиот се предвидува, како 6-брзински мануелен, така и 6-брзински автоматски менувач. За вториот постои само автоматски.
Во опремата на „Mazda CX-4“ влегуваат дисплеј, мултимедијален систем „MZD Connect“ со „Bluetooth“, „USB“ и навигација, а исто така и голем број на системи за безбедност и асистенти на возачот.
Во прво време новиот модел ќе биде достапен само во Кина, но претставниците на „Mazda“ открија пред медиумите во Пекинг дека се предвидува тој да се појави и на други пазари, вклучувајќи и европските. Тоа најверојатно ќе се случи во 2017-та година.