Претседателот на Европската комисија Жозе Мануел Баросо изрази верување дека Словенија ќе ги спроведе мерките кои се неопходни за стабилизација на нејзината економија.
Баросо очекува дека Словенија ќе го избегне барањето на меѓународна помош од европските партнери.
Тој оцени дека владата во Љубљана ќе успее во консолидацијата на буџетот, во спроведувањето на структурните реформи и стабилизирањето на домашниот банкарски сектор, пренесува агенцијата АП.
Пазарите започнаа со загриженост да гледаат на Словенија поради нејзиниот разнишан банкарски сектор.
Иако словенечкото ниво на долг е под границата на ЕУ, оваа земја со два милиони жители веќе е соочена со рефинансирање на своите долгови.
Говорејќи заедно со Баросо, словенечката премиерка Аленка Братушек ги отфрли шпекулациите дека Словенија ќе побара помош за извлекување.
