Ова овошје е вистинска ризница на витамин Ц и бета каротен, односно провитаминот А.
Полна со витамини и минерали, малината е идеална намирница за врелите денови. Содржи дури 85 проценти вода, околу десет проценти шеќер, глукоза и фруктоза, пектин, растителни влакна, органска киселина – лимонска, јаболкова, салицилна и мравја, ароматични материи, флавоноиди, како и алкалоиди.
Таа е вистинска ризница на витаминот Ц и бета-каротен, односно провитаминот А. Содржи и витамини од групата Б, како и минерaлите калиум, калциум, фосфор, магнезиум, железо, бакар, цинк, па дури и јод.
Скопоцена е и за намалување на зголемената телесна температура при настинки, грип и други состојби. Нејзините плодови се користат и во лекувањето на астма, егзема, како и при терапиите за подобрување на апетитот кај децата.
Благодарение на редовното консумирање на малини се подобрува крвната слика, се регулира работата на цревата и се смируваат болките во желудникот, а се запира и повраќањето. Иако звучи неверојатно, малината помага и при трезнење.
Освен свежите и суви плодови, во лековите се користат и листовите, кои се уште побогати со витамин Ц. Од листовите, коренот и сувите малини се прават чаеви за воспалено грло, зајакнување на срцето, лекување на хемороиди, лишаи, осип и други алергиски реакции, како и за зајкнување на организмот.
Свежите малини единствено не се препорачуваат при тешки заболувања на бубрезите и гихт.
