Пресметката на поранешниот и актуелниот тим на тренерот Јирген Клоп, Борусија и Ливерпул е четвртфиналното дерби во Лига Европа.
Борусија и Ливерпул, во минатото имаат играно во Лигата на шампионите, во сезоната 2001/2002, во Дортмунд мечот завршил без голови 0:0, а на „Енфилд“, Ливерпул победил 2:1. Еден меч имаат одиграно и во Купот на победниците на куповите, во финалето одиграно во 1966 година, во Глазгов, Ливерпул победил со 2:1
Ждрепката, која денес беше извршена во Нион, Швајцарија, ги спои шпанските тимови Атлетик Билабо и бранителот на титулата Севилја.
На другите две средби Брага, во двомечот, ќе се соочи со Шахтјор, додека Виљареал за противник го има чешкиот преставник Спарта Прага.
Првите четвртфинални натпревари ќе се одиграат на 7-ми април, а реваншите се на програмата на 14-ти април, полуфиналните мечеви ќе се играат на 28-ми април и 5-ти мај, а финалето е во Базел на 18-ти мај.
Брага-Шахтјор
Виљареал-Спарта Прага
Атлетик Билбао-Севилја
Борусија Дортмунд-Ливерпул.
