Откако во последните неколку дена се појавија бројни гласини околу телефонот кој го подготвуваат „HTC“ и „Facebook“ на интернет се појавија и првите фотографии од овој паметен телефон.
„Business Insider“ тврди дека овој телефон ќе се продава како „HTC First“ и дека на корисниците ќе им биде интересен поради две работи и тоа верзијата на „Facebook“ на „Android“ и прифатливата цена.
Телефонот поради својата цена нема да поседува напреден хардвер, па така се очекува 4.3 инчен 720p HD дисплеј како и „Qualcomm Snapdragon S4“ процесор, 1GB RAM и камера од 5 мегапиксели.
„HTC First“ би требало да биде првиот телефон кој ќе се испорачува со верзијата на „Facebook“ на „Android“ наречена „Facebook Home“. Се предвидува дека тоа ќе биде малку изменета верзија на оперативниот систем на „Android“ со посебни апликации кои ќе овозможуваат поголема интеграција со „Facebook“.
Со подигнувањето на апликацијата од страна на корисниците би требало на почетниот екран да добиваат пораки од оваа межа, статусите на пријателите, нови фотографии, а можеби и реклами.
Една од гласините тврди дека „Facebook Home“ апликацијата ќе може да се симне од „PlayStore“ и со тоа сите телефони кои користат „Android“ да може да бидат „Facebook“ телефони.
