Германскиот индустриски конгломерат Siemens планира да укине или да премести во други земји над 1.000 работни места од одделот за производство на погони наменети за производители на нафта и на рударски компании, бидејќи ниските цени ги натераа овие компании да ја намалат капиталната потрошувачка, пишува германски Handelsblatt.
Siemens планира резови со оглед дека капацитетите за процесна индустрија и погони во Германија не се искористени, објави весникот, повикувајќи се на извори во индустријата.
Siemens, кој неодамна најави укинување на работни места поради придушен економски раст и слабата побарувачка на клиентите од енергетскиот сектор, одби да ги коментира овие написи.
