Познатиот француски писател Антоан де Сент Егзипери изјави дека целта без план е само пуста желба…
За постигнување на успехот е потребно повеќе од среќа и повеќе од напорна работа – потребен е конкретен план. Создавањето на план не мора задолжително да биде комплицирана задача.
Ви претставуваме неколку совети кои ќе ви помогнат да креирате сопствен план за кариерата:
Добро размислете за себе и своите способности
Размислете за себе како за производ. Одредете ги сопствените предности и слабости, а потоа справете се со слабостите. Што можете да направите за да го подобрите своето знаење и вештини?
Дефинирајте ги желбите
Ако не знаете што сакате, како ќе го постигнете тоа? Земете слободно време и дефинирајте ги своите деловни аспирации. Каде се гледате за три, пет, десет години?
Запознајте ја конкуренцијата
Конкуренцијата е составен дел од животот. Како вашите вештини котираат во споредба со другите? Познавањето на конкуренцијата ќе ви помогне да ги одредите своите предности и недостатоци и да одлучите што е потребно за да бидете на исто ниво.
Идентификувајте ги целите и создадете план
Целите се израз на вашите деловни и лични стремежи, како и на вашето гледање на напредокот во кариерата. Тие ви помагаат да продолжите да се движите во позитивна насока.
