Компанијата „Renault“ индиректно ги потврди тврдењата дека се подготвува да пушти на пазарот во Европа малиот хечбек „Kwid“. Автомобилот беше создаден за пазарите во Индија и Бразил, а само за 4 месеци беа добиени над 100.000 барања за него.
На автосалонот „Auto Expo“ во Њу Делхи, Французите претставија две нови модификации на „Kwid“ кои засега се само концепти, но најверојатно ќе се појават и во сериски варијанти. Првата е „Racer“ и е насочена кон оние кои сакаат повисоки брзини, а втората – „Climer“ е погодна за излети во планина.
„Renault Kwid Racer“ се одликува со аеродинамична каросерија, 18-инчни бандажи со низок профил на гуми, црниот покрив, задниот спојлер и дифузерот. Во кабината се поставени спортски седишта, спортски волан и панел. Задните седишта се заменети со сигурносен каркас.
За возврат „Renault Kwid Climer“ остави впечаток со зголемувањето на растојанието од тлото, различните тркала и со присуството на заштитни плочи во предниот и задниот дел на каросеријата. Покрај тоа концептот добил дополнителни сини елементи и „LED“ дневни светла.
Заедно со двата модела Французите демонстрираа и нов 1,0-литарски бензински мотор со 3 цилиндри, кој ќе се постави на „Kwid“. Засега не се соопштува силата, но се знае дека е во комбинација со 5-брзински автоматски менувач со 3 начини на работа. Се очекува токму овој агрегат да се појави на европската верзија на моделот.
Во моментов на пазарот во Индија хечбекот е достапен со 0,8-литарски мотор со 54 КС, кој работи во комбинација со 5-брзински мануелен менувач. Цената на моделот стартува од 3.800 американски долари.