Големи тензии и превирања владеат меѓу руските сопственици на офшор компании во Кипар, тврдат нивните кипарски консултанти со кои тие се во постојан контакт во последните неколку дена со цел да се спасат депозитите во банките на островот.
– Што и да се случи голем руски капитал ќе „избега“ од Кипар, изјави извршниот директор на офшор компанија со руски интереси Андреас Андреу, истакнувајќи дека сите пари ќе го напуштат островот и ќе бидат префрлени во Сингапур и други места, пренесува БТА.
Русите со големи депозити во кипарските банки се разочарани и сметаат дека нивните интереси на островот не се заштитени и дека нема гаранции за нивните пари, нагласува Андреу.
